बिर्तामोड वाणिज्य संघमा दर्नालले सचिवमा उम्मेद्वारी दिने
बिर्तामोड । बिर्तामोड उधोग वाणिज्य संघको आसन्न निर्वाचनमा उम्मेद्वारीको घोषणा गर्ने क्रम शुरु भइसकेको छ । फागुन १६ गते हुने निर्वाचनमा गोर्खा फाउण्डेशनका अध्यक्ष एवम् नेपाल टेलरिङ व्यवसायी महासंघ झापाका संस्थापक महासचिव बीरु दर्नालले सचिव पदमा उम्मेद्वारी दिने बताएका छन् ।
बिर्तामोड वाणिज्य संघमा लामो समयदेखि प्रभावकारी भूमिका निर्वाह गर्दै आएका दर्नालले यो निर्वाचनमा उम्मेद्वारी दिने बताएका हुन् । उनले अब संघ मै रहेर व्यवसायीको हितमा काम गर्ने बताए । विभिन्न सामाजिक संघ–संस्थामा नेतृत्वदायी भूमिका निर्वाह गर्दै आएका दर्नालले वाणिज्य संघमा आफ्नो उम्मेद्वारी हुने इजलाससित बताए । बिर्तामोडको वाणिज्य संघलाई जिल्लाकै प्रभावकारी भूमिकामा उभ्याउन आफ्नो सक्रियता हुने दर्नालको भनाई छ । दर्नाल विर्तामोडस्थित गोर्खा टेलरिङका सञ्चालक हुन् ।
आगामी निर्वाचनमा सुवास भट्टराई, प्रकाश शिवाकोटी, प्रशान्त भण्डारी, पार्वता विमली, राजु न्यौपाने र बलराम कार्कीले अध्यक्षमा उम्मेद्वारी दिने बुझिएको छ ।