विएण्डसीमा ओपीडी अन्तर्गतका सेवा पुनःसुचारु
विर्तामोड । विएण्डसी अस्पतालले असार १ गतेदेखी विगतमा जस्तै गरि उपचार सेवा सञ्चालन गर्ने जनाएको छ । कोभिड महामारीका कारण रोकिएका कतिपय सेवा समेत मंगलवारदेखी पुनःसञ्चालनमा ल्याउने बताइएको छ ।
अस्पतालले एक सूचना जारी गर्दै ओपीडी अन्तर्गतका सबै सेवा शुरु गरिएको सूचना अधिकारी प्रमिश गिरीले जानकारी दिए । उनले कोरोना संक्रमण दर घट्दै जनजीवन सामान्य तर्फ गएको उल्लेख गर्दै उपचार सेवालाई सहज बनाउन ओपीडी अन्तर्गतका सेवा थालिएको बताएका छन् ।