विर्तामोडमा झुलभित्र सडिएको अवस्थामा शव फेला
विर्तामोड । झापाको विर्तामोड–१ दुर्गाटोलमा वेवारिसे शव फेला परेको छ । प्रहरीका अनुसार पूर्ण रुपमा सडिएको अवस्थामा शव फेला परेको छ ।
खाली रहेको कुखुरा फर्मभित्र झुलले बेरिएको अवस्थामा शव फेला परेको बताइएको छ । शवको प्रकृति हेर्दा पाँच दिनभन्दा अघि मृत्यु भएको हुन सक्ने प्रहरीको अनुमान छ । पुरै सडिएका कारण शवको पहिचान गर्न नसकिएको इलाका प्रहरी कार्यालय अनारमनीले जनाएको छ । शवको पोष्टमार्टमका लागि मेची अस्पताल भद्रपुर पठाइएको छ । सो शव बारे शनिवार साँझ प्रहरीलाई जानकारी गराइएको थियो ।