असार २३, २०७९ बिहीबार

५ देखि ११ वर्ष उमेर समुहका बालबालिकालाई आजबाट कोरोना विरुद्धको खोप दिइने

काठमाडौ- आज देखि ५ देखि ११ वर्षसम्मका बालबालिकालाई कोभिड १९ विरुद्धको खोप लगाइने भएको छ
स्वास्थ्य तथा जनसंख्या मन्त्रालयकाअनुसार पहिलो चरणमा देशका २७ जिल्लामा असार ९ देखि १५ गतेसम्म पहिलो मात्रा खोप दिइने छ।
पहिलो मात्रा खोप लगाएका बालबालिकालाई आगामी साउन २ देखि ८ गतेसम्म दोस्रो मात्रा खोप दिइने स्वास्थ्य तथा जनसंख्या मन्त्रालयले जनाएको छ । बालबालिकालाई आफू अध्ययनरत विद्यालयमै खोप लगाउने व्यवस्था गरिएको छ।

देशका बाँकी ५० वटा जिल्लामा भदौ ५ देखि ११ गतेसम्म पहिलो मात्रा र भदौ २७ देखि असोज १ गतेसम्म दोस्रो मात्राको खोप दिने तयारी छ। देशमा ५–११ उमेर समूहका बालबालिका ३९ लाख भन्दा धेरै छन्।

बालबालिकालाई प्रदान गर्ने फाइजर खोप सरकारले कोभ्याक्स सुविधा अन्तर्गत एक साताअघि नै अमेरिकाबाट अनुदानमा ल्याएको छ। पहिलो लटमा २२ लाख ३ हजार २ सय मात्रा खोप ल्याइएको छ।

आजदेखि बालबालिकालाई दिन लागिएको खोपको प्रयोग ९१ प्रतिशत प्रभावकारी मानिएको छ। विश्वका धेरै मुलुकमा यो खोप प्रयोग भइसकेको छ।

प्रकाशित मिति : असार ९, २०७९ बिहीबार  ७ : ३० बजे

प्रतिक्रिया दिनुहोस्
लोकप्रिय
ताजा

इजलास दैनिक

कार्यालय सम्पर्क - बिर्तामोड,झापा
सम्पादक – प्रदीप परियार
कम्पनी दर्ता नम्बर : १६९६५४/७३/०७४
विज्ञापनको लागि : ०२३–५३५०२८
सम्पर्क : ९८५२६३५०२८/९८५२६४५०२८
टाइम्स मिडिया नेटवर्क प्रा.लि. द्वारा प्रकाशित ‘इजलास दैनिक’को आधिकारिक वेबसाइट तपाईंको साझा इजलास