वडाध्यक्षलाई कार्यवहाक अध्यक्ष कार्यान्वयन नगर्न कमल गापालाई अन्तरिम आदेश
बिर्तामोड । उच्च अदालत विराटनगरले कमल गाउँपालिकालाई अन्तरिम आदेश दिदैं वडाध्यक्षलाई कार्यवहाकको रुपमा काम गर्न दिएको जिम्मेवारी कार्यन्वयन नगर्न भनेको छ । गाउँपालिका अध्यक्ष हुकुम राईले उपाध्यक्ष हुँदाहँदै वडाध्यक्षलाई कार्यवहाक दिएर जापान गएका छन् ।
कमल गाउँपालिकाकी उपाध्यक्ष प्रमिला न्यौपानेले वडाध्यक्षलाई कार्यवाहक दिएको विरुद्धमा उच्च अदालतमा मुद्धा दायर गरेपछि उच्च अदालतले यस्तो आदेश दिएको हो । स्थानीय सरकार सञ्चालन ऐन-२०७४ विपरित गाउँपालिका अध्यक्षले वडाध्यक्ष अशोक सुब्बालाई कार्यवहाकको जिम्मेवारी दिएका थिए ।
स्थानीय सरकार सञ्चालन ऐन २०७४ ले अध्यक्षलाई वडाध्यक्षको मातहतमा रहने परिकल्पना नगरेको र पदीय तथा व्यक्तिगत मानमर्दन भएको भन्दै न्यौपानेले रिट दर्ता गराएकी थिइन् । उच्च अदालतले रिट निवेदनको अन्तिम टुङगो नलागेसम्म कार्यान्वयन नगर्न आदेश गरेको छ ।