झापामा २६ फरार प्रतिवादीहरु पक्राउ
बिर्तामोड । जिल्ला प्रहरी कार्यालय झापाले २६ जना फरार प्रतिवादीहरु पक्राउ गरेको छ । मातहतका प्रहरी कार्यालयहरुसँगको समन्वयमा फरार प्रतिवादीहरु पक्राउ गरेको विवरण सार्वजनिक गरेको हो ।
अदालतहरुबाट बिभिन्न मितिको फैसला अनुसार फैसला भई फरार रहेका प्रतिबादीहरुमध्ये पुष महिनाभित्र जिल्ला प्रहरी कार्यालय झापाबाट फैसला कार्यन्वयनको लागि खटिएको प्रहरी टोलीले २६ जनालाई पक्राउ गरेको हो ।
प्रहरीका अनुसार १८ बर्ष ४ महिना २३ दिन कैद तथा ५० लाख ४२ हजार ६ सय ७७ रुपैयाँ जरिवाना असुलउपर भएको झापा प्रहरीले जनाएको छ ।