भद्रपुर । नेपाली कांग्रेस भद्रपुर–८ नम्बर वडा समितिले वडाको विकासमा नगर नेतृत्वबाट सन्तुलित कार्य नभएको भन्दै नगरपालिकालाई ज्ञापनपत्र पठाएको छ ।

वडामा रकम कम पठाईंदा सयौ योजना अलपत्र परेको भन्दै निरन्तर काम अगाडि बढाउन दबाब दिने उद्देश्यले वडा कार्यालय मार्फत नगरपालिकालाई ज्ञापन पत्र बुझाइएको हो ।

वडाध्यक्ष गौरव सुब्बा (मनोज) मार्फत नगर प्रमुख जीवनकुमार श्रेष्ठलाई वडाको विकासमा विभेद नगर्न अनुरोध गर्दै ज्ञापन पत्र पठाइएको छ ।

८ नम्बर वडा समन्वय समितिका संयोजक रत्नप्रसाद खतिवडाको नेतृत्वमा गएको टोलीले वडाध्यक्ष मार्फत ज्ञापन पत्र नगर कार्यपालिकामा पठाएको हो ।

ज्ञापनपत्रमा स्थानीय नागरिकका समस्यामा नगर नेतृत्व लिने जनप्रतिनिधिले वेवास्ता गरेकोले सडक, पूल, कल्वर्ट निर्माण, खेलकुद, खानेपानी, सिंचाई लगायत दर्जनौं समस्याको हल गर्न माग गरिएको छ ।