बिर्तामोड । प्रहरीले ब्राउन सुगरसहित बिर्तामोडबाट आज एक जना युवालाई नियन्त्रणमा लिएको छ । जिल्ला प्रहरी कार्यालय झापाले विशेष सूचनाका आधारमा सादा पोसाकका प्रहरी परिचालन गरी बिर्तामोड– ५ का राम क्षेत्रीलाई पक्राउ गरेको हो ।

आज विहान ९ः३० बजे बिर्तामोडको ईलाम स्टेण्ड छेउबाट २८ वर्षीय क्षेत्रीलाई बा १६ च १६९३ नम्बरको रातो रंगको वाइगनर कारभित्र लुकाई छिपाई राखेको ५२ ग्राम ब्राउन सुगर सहित पक्राउ गरि ईलाका प्रहरी कार्यालय बिर्तामोडको हिरासतमा राखिएको छ ।

प्रहरीले क्षेत्रीको साथबाट ५२ ग्राम ब्राउन सुगर, बा १६ च १६९३ नम्बरको रातो कार, डिजिटल तराजु १ थान, नगद ६ हजार ५ सय र इन्डियन ड्राइभिङ्ग लाइसेन्स १ थान बरामद गरेको छ ।