बिर्तामोड । सताक्षीधाम धार्मिक महोत्सवमा संकलन गरिएको भेटीको आज विहानैदेखि गणना गर्न थालिएको छ । कात्तिक २७ गतेदेखि आयोजना गरिएको धार्मिक महोत्सव मंसीर ९ गते सकिएको छ ।

धार्मिक महोत्सव सकिएपछि विभिन्न स्थानमा चढाइएको भेटीको हिसाव व्यवस्थित गर्न थालेको महोत्सव आयोजक समितिका संयोजक सोमनाथ पोर्तेलले जानकारी दिए । गोवद्र्धन पर्वत, पुष्प भेटी र दानपत्र मार्फत चढाइएको भेटी संकलन गरेर स्थानीय स्वयमसेवकले गणना गरिरहेको पोर्तेल बताए ।

१० जनाभन्दा बढि स्वयम सेवकले गणना गरिरहेको उनको भनाई छ । पोर्तेलका अनुसार २ दिनमा मात्रै गणना सकिने छ । भेटीको हिसाव तयार गरेपछि महोत्सवको आम्दानी र खर्च सार्वजनिक गरिने बताइएको छ ।