झापाका नेता भट्टराईलाई एयर एम्बुलेन्सबाट काठमाडौं लगियो
विर्तामोड । नेपाल कम्युनिष्ट पार्टी (नेकपा) का नेता कुन्दन भट्टराईलाई उपचारका लागि काठमाडौं लगिएको छ । उनलाई आइतवार एयर एम्बुलेन्स मार्फत काठमाडौं लगिएको हो । स्वास प्रश्वासमा जटिल समस्या भएपछि उपचारका लागि काठमाडौं लगिएको परिवारिक स्रोतले जनाएको छ ।

उनलाई दुई महिनाअघि फोक्सोमा क्यान्सर देखा परेको थियो । क्यान्सर देखिएपछि नेता भट्टराईको काठमाडौंस्थित मेडिसिटी अस्पतालमा उपचार हुँदै आएको थियो ।
अर्जुनधारा–५ निवासी भट्टराईको बिर्तामोडस्थित पूर्वाञ्चल क्यान्सर अस्पतालमा चौथो पटक किमो दिइएको थियो । किमो दिएको चार दिनपछि उच्च ज्वरो आएपछि एन्टिवाइटिक चलाइएको बताइएको छ । एन्टिबाइटिक चलाएपछि भट्टराईमा स्वास प्रश्वासको समस्या बढेको स्थानीय डेगनाथ खतिवडाले जानकारी दिए । भेन्डिलेटर मै राख्नुपर्ने भएपछि आइतवार दिउँसो साढे २ बजे काठमाडौं लगिएको छ ।