बिर्तामोड । बिर्तामोड नगरपालिकाले अग्निप्रसाद पाण्डेलाई प्रवक्ताको जिम्मेवारी प्रदान गरेको छ । पाण्डे यसअघिको कार्यकालमा पनि प्रवक्ताको जिम्मेवारीमा थिए । उनी वडा नं. १ को वडाध्यक्ष समेत हुन् ।

आज बसेको कार्यपालिका बैठकले उनलाई प्रवक्ताको जिम्मेवारी दिने निर्णय गरेको हो । नगरप्रमुख पवित्रा महतारा प्रसाईको अध्यक्षमा बसेको बैठकले पाण्डेलाई दोस्रो पटक सो जिम्मेवारी प्रदान गरेको छ । पाण्डेले बैशाख ३० गतेको निर्वाचनमा नेपाली कांग्रेसका उम्मेद्वार बलराम कार्कीलाई पराजित गरेका थिए ।