झापा – नेकपा एमालेले झापा क्षेत्र नं १ बाट विश्वप्रकाश शर्मालाई हराएका रविन कोइरालालाई संघीय साँसदका लागि सर्वसम्मत सिफारिस भएका छन् ।

नेकपा एमाले जिल्ला कमिटी सदस्य एवं प्रेस चौतारी झापाका इन्चार्ज मोहनकाजीका अनुसार संघीय साँसदका लागि आकांक्षीहरुको नाम संकलन गर्दा कोइराला बाहेक कसैले पनि आफूलाई प्रस्ताव गरेनन् । कोइरालालाई सबैले तालि बजाएर समर्थन गरेका छन् ।

कोइरालाले २०७० सालको संविधानसभा निर्वाचनमा काँग्रेसका विश्वप्रकाश शर्मालाई पराजित गर्नुभएको थियो । कोइराला पार्टीका केन्द्रीय सदस्य र झापाका सहइन्चार्ज हुनुहुन्छ ।