बिर्तामोड । बिर्तामोडस्थित कृषिथोक बजारमा विक्रीका लागि ल्याइएको गोलभेलामा अत्याधिक विषादी भएको पुष्टि भएको छ । इलामबाट आयात गरिएको गोलभेलामा विषादीको मात्रा उच्च भएपछि उपभोग अयोग्य भएको विषादी अवशेष दु्रत विश्लेषण प्रयोगशाला इकाई बिर्तामोडले जनाएको छ ।

कृषिथोकका व्यवसायी मनिष शाहले आयात गरेको गोलभेडामा ५६.८२१५ अर्गानो फस्फेट देखिएको प्रयोगशालाले जनाएको छ । विषादी परीक्षणमा ४५ भन्दा माथि देखिएमा डिस्पोज गर्ने गरिन्छ ।

३ क्यारेट टमाटरमा विषादीको मात्रा अत्याधिक देखिएपछि डिस्पोजको तयारी गरिएको बताइएको छ । यसअघि दानाबारीबाट आयात गरिएको काँचो केरामा पनि अत्याधिक विषादीको मात्रा फेला परेको थियो ।