काठमाडौँ । इङल्याण्डले वेस्ट इन्डिजविरुद्धको टी-२० सिरिजमा लगातार दोस्रो जित हासिल गरेको छ ।

गएराती सम्पन्न सिरिजको दोस्रो खेलमा इङल्याण्डले वेस्ट इन्डिजलाई ७ विकेटले पराजित गरेको हो ।

वेस्ट इन्डिजले दिएको १५९ रनको लक्ष्य पछाएको इङल्याण्डले १४.५ ओभरमा ३ विकेट गुमाएर लक्ष्य पुरा गरेको थियो ।

यो जितपछि इङल्याण्डले ५ खेलको सिरिजमा २-० को अग्रता बनाएको छ । अब सिरिजको तेस्रो खेल शुक्रबार हुने छ ।