बिर्तामोड । झापाको मेचीनगर नगरपालिका–१० स्थित निन्दा खोला नजिकै बिहीवार नवजात शिशु फेला परेको छ ।

निन्दा खोला जनिकै रहेको घारीमा साल नालसहितको जिवित छोरी नवजात शिशु कमिलाले टोकी रहेको रगताम्य अवस्थामा फेला परेको जिल्ला प्रहरी कार्यालय झापाले जनाएको छ । मेचीनगर–११ की ३७ वर्षीया इन्दिरा प्रसाईं (अधिकारी) ले मर्निङ वाक गर्ने क्रममा नवजात शिशु फेला पार्नुभएको थियो । शिशुको अवस्था सामान्य रहेको छ, प्रहरीका अनुसार मेची नगरपालिका वडा नं. १० लाई शिशु जिम्मा लगाइएको छ ।