बनियानी । कचनकवल गाउँपालिका–४ केचनामा अष्टजाम संकीर्तन समारोह भइरहेको समयमा तीन वटा घरमा चोरी भएको छ। शनिबार राति करिब ९ बजेको समयमा लाखौंको धनमाल चोरी भएको हो ।

स्थानीय प्रदीप भण्डारीको घरबाट ३ तोला सुन र भारतीय रुपैयाँ २५ हजार नगद, टंक खनालको घरबाट सुनको सिक्री र नगद २० हजार रुपैयाँ , लक्ष्मी चौहानको घरमा रहेका सामानहरू छरपस्ट पारी चोरी गर्नेहरु फरार भएका थिए ।

घटनाको समयमा गाउँमा अष्टजाम संकीर्तनको भीडभाड रहेको र घरहरू सुनसान भएको कारण चोरी भएको अनुमान गरिएको छ।