बिर्तामोड । बिर्तामोड उद्योग वाणिज्य संघको अगुवाईमा प्रसाई मार्केट भित्र चन्द्रप्रसाद प्रसाईको संयोजकत्वमा उपसमिति गठन भएको छ । व्यवसायी एकताका लागि प्रसाईको संयोजकत्वमा सल्लाहकार सहित २७ सदस्यीस प्रसाई मार्केट व्यवसायी उपसमिति गठन भएको हो ।

बिर्तामोड उद्योग वाणिज्य संघका अध्यक्ष राजु न्यौपानेको अध्यक्षतामा भएको व्यवसायीहरुको भेलाले सो उपसमिति गठन गरेको हो । उप समितिको कार्यअवधि बिर्तामोड उद्योग वाणिज्य संघ सरहनै रहने छ ।

गठित उपसमितिको सह संयोजकमा शत्रुधनप्रसाद गुप्ता, सचिव पंकज कुमार मित्तल, सह सचिव निकेश कुमार विहानी र कोषाध्यक्षमा राजीव जैन रहेका छन् । उपसमितिको सदस्यहरुमा श्यामसुन्दर वंशल, निरज वंशल, टीका गौतम, घनश्याम ढुङ्गाना, महादेव चौधरी, रवि वंशल, राकेश विन्दल, मो. एकताज, मोहन वंशल, हेमन्त अग्रवाल, विजयकुमार अग्रवाल र रोहित वंशल रहेका छन् ।

त्यस्तै हनुमान प्रसाद मित्तल, गीताराम ढुङ्गाना, जगदीश प्रसाद मित्तल, मन्जर अली, बाबुलाल अग्रवाल, घनश्याम चौधरी, प्रेम प्रसाद अग्रवाल, विष्णु अग्रवाल, बेदप्रसाद अग्रवाल र राजु वंशललाई सल्लाहकार समतिमा राखिएको छ ।
बिर्तामोड उद्योग वाणिज्य संघका वरिष्ठ उपाध्यक्ष राजकुमार घिमिरे राजुले स्वागत गरेको कार्यक्रमको संचालन संघका महासचिव कुशल खतिवडाले गरेका थिए । सो अवसरमा नवगठित उपसमितिलाई डस्विन समेत प्रदान गरिएको छ ।

संघका अध्यक्ष न्यौपानेले उपसमिति संयोजक प्रसाईलाई फोहोर व्यवस्थापनमा सहयोग पु¥याउने उद्देश्यले आठ थान डस्विन प्रदान गरेका थिए । यसअघि हिकोला रोडमा समेत व्यवसायीहरुको भेलाले हिकोला रोड व्यवसायी उपसमिति गठन गरिएको छ ।