जंगली हात्तीले एक घर र क्याम्पसको गेटमा क्षति पुर्यायो
बिर्तामोड – बिर्तामोड नगरपालिका वडा नम्बर ३ स्थित बिर्ताबजारमा गए राति आएको जंगली हात्तीले एक घर र क्याम्पसको गेटमा क्षति पुर्याएको छ ।
जंगली हात्तीले मनिका माझीको घर र अनारमनी पब्लिक क्याम्पसको गेट भत्काएको थियो । आज बिहान नेकपा एमाले बिर्तामोड नगर कमिटी अध्यक्ष सुवास भट्टराई, नगर प्रमुख पवित्रा महतारा प्रसाई, उपप्रमुख नगेन्द्र प्रसाद संग्रौला, वडाअध्यक्ष मदन बुढाथोकी, वडा नम्बर ३ का वडासदस्य हरि बाँस्कोटा लगायतले अनुगमन गर्नु भएको छ ।
