विदेशीलाई नागरिकता बनाइदिने जिल्ला प्रशासन झापाका तत्कालिन प्रशासकीय अधिकृत सुरेश आचार्य पक्राउ
बिर्तामोड । विदेशी नागरिकलाई नागरिकता बनाई दिने जिल्ला प्रशासन कार्यालय झापाका तत्कालिन प्रशासकीय अधिकृत सुरेश आचार्यलाई पक्राउ गरिएको छ ।
झुठो विवरण पेश गरी विदेशी नागरिकलाई नागरिकता राहदानी बनाइदिने आचार्यलाई प्रहरीले काठमाडौंको गठ्ठाघरबाट पक्राउ गरिएको हो ।
झुठ्ठा बिवरण पेश गरि बिदेशी नागरिकलाई नागरिकता राहदानी बनाई दिएको कसुर मुद्धामा जिल्ला अदालत झापाले ०७२ मंसिर १० गते वारेन्ट जारी गरेको थियो ।
आचार्यलाई महानगरिय अपराध महाशाखाको समन्वयमा जिल्ला प्रहरी कार्यालय झापाबाट खटिएका प्रहरी निरीक्षक साकारराज पन्तले शनिवार पक्राउ गरेका हुन् ।
आवश्यक कारबाहीको लागि प्रहरीले आचार्यलाई आज जिल्ला अदालत झापामा बुझाएको झापका प्रहरी प्रवक्ता राकेश थापाले जानकारी दिए ।