कनकाईको बाँध फुट्यो : मिलनबस्तीका ४० परिवारको उद्धार
बिर्तामोड । बाँध फुटेर कनकाई माई गाउँ पसेपछि झापा गाउँपालिका –१ का ४० भन्दा बढि परिवारलाई स्थानीय विधालयमा उद्धार गरेर राखिएको छ ।
साँझसम्म उद्धार गरेर बाढि पीडितलाई स्थानीय मोहन मित्तल–सितुमारी प्राविमा ल्याइएको छ । उनीको खानपानको व्यवस्थापन वडा कार्यालयबाट भइरहेको जानकारी प्राप्त भएको छ । उनीहरुको स्थानीय प्रशासन, सुरक्षा निकाय र जनप्रतिनिधिले उद्धार गरेका थिए ।
लगातारको वर्षाले झापा गाउँपालिकाको मिलन वस्ती, सडकबारी र लसुनगञ्ज डुवानमा परेको छ । जोखिमलाई मध्यनजर गरेर मिलन वस्तीका नागरिकलाई उद्धार गरिएको बताइएको छ । सडकबारीका सर्वसाधारणलाई आफन्तकै घरमा बस्ने वातावरण मिलाइएको छ ।
स्थानीय रुपक राजवंशीका अनुसार खोलाको बहाव झनै बढ्दो क्रममा छ । उनले सडकबारी धेरे जोखिममा रहेको जानकारी दिए ।