बिर्तामोड । बाह्रदशी गाउँपालिकाले तीन वटा वडामा गरेको निषेधाज्ञा खुला गरेको छ । गत साउन १२ गते देखि गाउँपालिकाले १, २ र ३ नम्बर वडामा निषेधाज्ञा ( शिल) गरेको थियो । आज आज राती १२ बजेबाट शिल खोल्ने गाउँपालिकाको आज सम्पन्न बैठकले निर्णय गरेको छ ।

गाउँपालिकाले समुदायमा कोरोना फैलिएका कारण शिल गरेको थियो । समुदायमा संक्रमित २ जनाबाट कोरोना फैलिएको हुन सक्ने भन्दै प्रत्यक्ष सम्पर्कमा रहेकाहरु स्वाब परीक्षण गरिएको थियो । उनीहरुको समेत नतिजा नेगेटिभ आएपछि निषेधाज्ञा खुला गरिएको प्रशासन प्रमुख तेज प्रसाद रेग्मीले जानकारी दिए ।