बिर्तामोड । झापाको दक्षिणी गाउँपालिका कचनकवल क्षेत्रबाट पशु चौपाय तस्करी हुने गरेको सूचना प्रधानमन्त्री कार्यालय पुगेको छ ।

स्थानीयले नेपालबाट भारत तर्फ खुलेयाम पशु चौपाय तस्करी हुने गरेको सूचना पु¥याए पछि प्रधानमन्त्री कार्यालयले गाउँपालिकालाई पत्र काटेको छ ।

प्रधानमन्त्री तथा मन्त्रीपरिषदको कार्यालयबाट गाउँपालिकालाई पत्र काटिए पछि गाउँपालिकाले सवै वडालाई नियन्त्रणका लागि पत्रचार गरेको छ । प्रमुख प्रशासकीय अधिकृत कुमार बस्नेतले सबैलाई पत्र काटेका हुन् । उनले पत्र काट्दै चौपाय तस्करीको सूचना हुनासाथ प्रहरीलाई जानकारी गराउन निर्देशन गरेका छन् । सीमा क्षेत्रमा प्रहरीले पशु चौपाय नियन्त्रणमा प्रभावकारी काम नगरेको स्थानीयको भनाई छ ।