चैत्र २९, २०७७ आईतबार

विर्तामोडका शैक्षिक संस्थामा बुधबारदेखि नियमित पठनपाठन

विर्तामोड । झापाको विर्तामोड नगरपालिकाले बुधबारले देखि नियमित पठनपाठन सञ्चालन गर्न शैक्षिक संस्थालाई आग्रह गरेको छ । सरकारले प्रदुषणको समस्या देखाउदै चार दिनका लागि देशभरका शैक्षिक संस्था बन्द गर्ने निर्णय गरेको थियो । बैठकले विधालय सञ्चालन गर्न आग्रह गरेको हो ।

मंगलवार विर्तामोड नगर शिक्षा समितिको बैठकले नियमित विधालय सञ्चालन गर्न शैक्षिक संस्थालाई आव्हान गरेको छ । शिक्षा समितिका प्रमुख धु्रव कुमार शिवाकोटी, समितिका सदस्यहरु, शैक्षिक संघसंस्थाका प्रतिनिधि बिच भएको बैठकले बिधालय बन्द नगर्ने निर्णय गरेको हो । केन्द्र सरकारको निर्णयले मंगलवार केहि शैक्षिक संस्था मात्र खुलेका थिए ।

शिक्षा समिति सदस्य निता घतानीले कोभिड–१९ ले प्रभावित शैक्षिक क्षेत्र बन्द हुँदा थप क्षति हुने बताइन् । उनले परीक्षा र बाँकी कोर्ष सम्पन्न गर्नका लागि पनि शैक्षिक संस्था सञ्चालन गर्नुको विकल्प नरहेको बताइन् ।

प्रतिक्रिया दिनुहोस्

इजलास डटकम

बिर्तामोड,झापा
सम्पादक – प्रदीप परियार
दर्ता नम्बर : १६९६५४/७३/०७४
टाइम्स मिडिया नेटवर्क प्रालिद्वारा प्रकाशित ‘इजलास दैनिक’को आधिकारिक वेबसाइट