विर्तामोड । झापामा देखिएको पेट्रोलिय पदार्थको समस्या आइतवारदेखि सहज हुने भएको छ । शुक्रवारदेखि झापामा पेट्रोलियम पदार्थको अभाव भइरहेको थियो ।

पश्चिम बंगालको निर्वाचनका कारण नाका बन्द भएपछि तेल आयातमा समस्या भएको नेपाल आयल निगम लिमिटेड शाखा कार्यालय चारआलीका प्रमुख मनिष नेउपानेले जानकारी दिए । उनले नाका बन्द र डिजिटल विलिङका कारण तेल आपुर्ति नहुँदा अभाव भएको बताए । शुक्रवार ठिकठिकै थियो, नेपाउनेले भने – ‘शनिवार अभाव नै भयो । आइतवार विहानदेखि सहज हुन्छ ।’

उनका अनुसार विराटनगरबाट समेत तेल आयात गरेर वितरण गरिएको छ । आइतवार नाका खुलेपछि ५५ वटा ट्याङ्कर तेल लिन भारत जाने नेउपानेले जानकारी दिए । उनले उपभोक्तालाई नआत्तिन आग्रह गरेका छन् ।