झापामा ७२ सय बढी संक्रमितको डिस्चार्ज
विर्तामोड । झापामा आज १५६ जना संक्रमित उपचारपछि डिस्चार्ज भएका छन् । जिल्लाका विभिन्न अस्पतालहरुबाट उनीहरु डिस्चार्ज भएको स्वास्थ्य कार्यालय झापाले जनाएको छ । जिल्लामा डिस्चार्ज हुनेको संख्या ७ हजार २ सय ४९ जना पुगेको छ ।
यस्तै, आज झापामा थप २७६ जना नयाँ संक्रमित थपिएका छन् । योसँगै सक्रिय संक्रमितको संख्या ४ हजार २ सय २६ पुगेको छ । २७८ जना संक्रमितले ज्यान गुमाइसकेका छन् । झापामा आज थप ६ जनाको मृत्यू भएको छ । ३ महिला र ३ पुरुषको अस्पतालमै मृत्यू भएको स्वास्थ्य कार्यालय झापाले जनाएको छ । झापामा संक्रमण दर अझै घट्न सकेको छैन ।