काठमाडौं । डेनमार्कका मीडफिल्डर क्रिश्चियन एरिकसन अस्पतालबाट डिस्चार्ज हुनुभएको छ । उहाँको मुटुको शल्यक्रिया गरिएको छ ।

२९ वर्षीय डेनमार्कका मीडफिल्डर एरिकसनको फिनल्याण्ड बिरुद्धको यूरो कप फुटबल २०२० अन्तगर्तको खेलमा कोपेनहेगनमा गत् शनिबार मैदानमै हृदयघात भएको थियो । तात्कालै मैदानमा ढल्न पुगेका एरिकसनको आपातकालीन उपचार गरिएपनि होसमा नआएपछि अस्पताल भर्ना गरिएको थियो । शुक्रबार उहाँको उपचार भइरहेको अस्पतालमा टोलिका सदस्यले भ्रमण गरेका थिए । लगत्तै उहाँ आफ्नो परिवारजनसँग घर फर्किनुभएको छ ।

एरिकसनले एक वक्तब्य जारी गरी प्रशंसकलाई स्वास्थ्य लाभको कामना गरेकोमा आभार प्रकट गर्नुभएको छ । उहाँले शल्यक्रिया सफल भएको र आफू राम्रो अवस्थामा रहेको बताउनुभएको छ ।