३९ ग्राम ब्राउनसुगरसहित युवक पक्राउ
विर्तामोट । लागु औषध नियन्त्रण व्यूरो काँकरभिट्टाको प्रहरी टोलीले ३९ ग्राम ब्राउनसुगर सहित एक युवालाई नियन्त्रणमा लिएको छ ।
प्रहरीले मेचीनगर –५ पिपल चोकबाट २९ वर्षीय राम बहादुर निरौलालाई नियन्त्रणमा लिइएको झापा प्रहरीले जनाएको छ । प्रहरीले निरौलालाई शंकाको आधारमा चेकजाँच गरेको थियो । निरौलालाई आज दिउँसो साढे २ बजे ब्राउन सुगर र तराजुसहित नियन्त्रणमा लिइएको थियो ।
प्रहरीका अनुसार पक्राउ परेका निरौलालाई इलाका प्रहरी कार्यालय काँकरभिट्टामा राखिएको छ । थप अनुसन्धानका लागि शुक्रवार म्याद थपिनेछ ।