गौरादहमा श्रीमतिको हत्या गरि फरार पक्राउ
बिर्तामोड । झापाको गौरादहमा श्रीमतिको हत्या गरि फरार भएका ३९ वर्षीय सजिलाल रिख्यासनलाई प्रहरीले पक्राउ गरेको छ । आज विहान उनलाई मोरङको रंगेली–९ सखुवाथानबाट पक्राउ गरिएको झापा प्रहरीले जनाएको छ । रंगेली स्थायी घर भएका रिख्यासन गौरादह १ शितल चोकमा बस्दै आएका थिए ।
झापा प्रहरीका अनुसार उनले ३४ वर्षीया श्रीमति संगिता टुडुलाई निर्मम कुटपिट गरि हत्या गरेका थिए । असार ३१ गते विहान श्रीमतिको हत्या गरि फरार भएका रिख्यासनलाई गौरादह, दमक प्रहरी र मोरङ प्रहरीको समन्वयमा पक्राउ गरिएको हो । उनलाई पक्राउ गरि इलाका प्रहरी कार्यालय दमकमा राखिएको छ ।