कितावभित्र ब्राउन सुगर राखेर ल्याउने पक्राउ
बिर्तामोड । सल्यान बनगाउँ नगरपालिका–१ का ३० वर्षीय रमेश डिसी ब्राउन सुगरसहित काँकरभिट्टामा पक्राउ परेका छन् । इलाका प्रहरी कार्यालय काँकरभिट्टाले डिसीलाई २३ ग्राम ब्राउनसुगरसहित पक्राउ गरेको झापा प्रहरीले जनाएको छ ।
मंगलवार विहान ११ बजे भारतबाट नेपाल आउँदै गरेका डिसीलाई प्रहरीले शंका लागेर चेकजाँच गरेको थियो । सोही क्रममा उनको साथमा प्रतिबन्धित लागुऔषध फेला परेको थियो । प्रहरीका अनुसार कितावभित्र ब्राउन सुगर लुकाएर राखिएको अवस्थामा प्रहरीले भेटेको थियो । पैदल आउने क्रममा पक्राउ परेका युवकलाई इप्रका काँकरभिट्टामा राखेर अनुसन्धान थालिएको छ ।