बालबालिकाको संस्थागत सक्रियता
सम्पादकीय
झापाका विभिन्न पालिकाहरुमा अहिले बाल क्लवहरु सक्रिय छन् । बालबालिकालाई संगठित गर्ने सवालमा स्थानीय तहले पनि उदारता देखाएको छ । बालबालिकालाई संगठित गर्दै उनीहरुको परिचानलाई प्रभावकारी बनाउन थालिएको छ । जिल्लाका अधिकांश पालिकाहरुमा बालबालिकालाई सक्रिय रुपमा सामाजिक काममा संलग्न गराउन थालिएको छ । बालबालिकालाई कुनै पनि सार्वजनिक निकालयले चासो दिदैन थिए । तर, अहिले प्रायः सबै सार्वजनिक निकायमा बालबालिकाको उपस्थिति बढ्दै गएको छ ।
शहीद दिवसका दिन कनकाई नगरपालिकामा बालबालिकाबिचमा अन्तरक्रिया भएको छ । बालबालिकालाई हेर्ने दृष्टिकोण बारे स्थानीय बालबालिकाबिचमा अन्तरक्रिया भएको हो । विधालय र घरमा मात्रै केन्द्रीत बालबालिकाहरु आफ्नो अधिकारका लागि संगठित रुपमा आवाज उठाउन थालेका छन् । स्थानीय तहहरुमा बालबालिकाहरु संगठित रुपमै आफ्नो अधिकार माग गर्दै आएका छन् । झापाका बालबालिकाले देखाएको सक्रियता प्रशंसायोग्य छ ।
अब बालबालिकाहरु बालअधिकार मात्र होइन, स्थानीय तहको काम कारबाहीमा खवरदारी गर्न पनि अग्रभागमा आउनुपर्छ । बालअधिकारको सवालसँगै सबै नागरिक र क्षेत्रको अधिकारको सवालमा संयुक्त रुपमा बोल्नुपर्छ । स्थानीय तहमा होइन, सार्वजनिक निकाय र सरकारी क्षेत्रमा भइरहेका वेथिती विरुद्ध बालबालिकाको आवाज सशक्त हुनुपर्छ । पछिल्लो समय बालबालिकाहरु प्रविधिको गलत प्रयोग र लागुऔषधमा संलग्न भएको पाइन्छ । यस प्रकारका गलत क्रियाकलापहरु नै मुल समस्या हो । संगठित भएका बालबालिकाहरुले गलत गतिविधिमा संलग्नहरुलाई समयमै सहि बाटोमा डोहोर्याउन आवश्यक छ ।