बिर्तामोड । जिल्ला निर्वाचन कार्यालय झापाले विभिन्न कारणले मतदाता परिचय पत्र प्रयोग गर्न नमिल्ने भएका मतदातालाई नयाँ परिचय पत्र बनाइदिने भएको छ । जिल्ला निर्वाचन कार्यालय झापामा त्यसका लागि निवेदन दिनुपर्ने जिल्ला निर्वाचन अधिकारी तुलसी कुमार नेपालले जानकारी दिए ।

एक सूचना जारी गर्दै निर्वाचन कार्यालय झापाले मतदाता परिचय पत्र हराएका, नष्ट भएका वा अक्षर नबुझिने भएको खण्डमा निवेदन दिन भनिएको छ । निर्वाचन कार्यालयले प्रयोग हुन नसक्ने अवस्थामा रहेका सरोकारवालाको वडा कार्यालयको सिफारिस सहित फागुन २० गतेभित्र कार्यालयमा निवेदन दिनुपर्ने जिल्ला निर्वाचन अधिकारी नेपालले जानकारी दिए ।