फिक्कल । विभिन्न पार्टी परित्याग गरी इलामको फिक्कलमा १७ सय जना नेकपा एमाले पार्टीमा प्रवेश गरेका छन् ।
नेकपा एमालेका अध्यक्ष कमरेड केपी शर्मा ओलीले आज इलामको फिक्कलमा आयोजित कार्यक्रममा विभिन्न पार्टी परित्याग गरी नेकपा एमालेमा प्रवेश गर्नेहरूलाई स्वागत गरेका हुन् ।

इलाम क्षेत्र नम्बर १ अन्तर्गत फिक्कलमा आयोजित जनसभा र पार्टी प्रवेश कार्यक्रममा संसदीय दलका उपनेता सुवास नेम्वाङ, स्थायी कमिटी सदस्य अग्नि खरेलसहित अध्यक्ष ओली इलाम पुगेका हुन् ।

१७ सय बाहेक पार्टी प्रवेश गर्नेको संख्या धेरै भएपछि अन्य कार्यक्रमबाट पार्टी प्रवेश गराउने भन्दै अध्यक्ष ओलीलाई सम्बोधन गर्न दिइएको छ । झलनाथ खनालको निर्वाचन क्षेत्रमा उनका समर्थकहरु समेत एमाले प्रवेश गरेका छन् ।