प्रहरीलाई पाँच सय घुस दिन खोज्ने पक्राउ
बिर्तामोड । प्रहरीलाई घुस दिन खोज्ने चालक चारआलीबाट पक्राउ परेका छन् । आज बिहान ४ बजे प्रहरी चौकी चारआलीले उनको गाडी चेकजाँच गर्न खोज्दा घुस दिने प्रयास गरेका थिए ।
बेलबारी नगरपालिका–११ का ५१ वर्षीय कविर बहादुर तामाङलाई घुस दिन खोजेको आरोपमा पक्राउ गरेको झापा प्रहरीले जानकारी दिएका छन् । को १ ज २५४५ नम्बरको पिकअप भ्यानमा तामाङले ८ थान पशुचौपाय लिएर आएका थिए । भद्रपुर बजार लैजाने भन्दै तामाङले प्रहरीलाई घुस दिन खोजेपछि नियन्त्रणमा लिई अनुसन्धान शुरु गरिएको छ ।