बिर्तामोडमा ७१.३५ प्रतिशत मतदान
बिर्तामोड । झापाको बिर्तामोड नगरपालिकामा ७१.३५ प्रतिशत मत खसेको छ । १८ मतदानस्थल र ६४ मतदान केन्द्रबाट जम्मा ४० हजार ९ सय ६५ मत खसेको बताइएको छ ।
बिर्तामोडमा ५७ हजार ४ सय ९ जना मतदाता छन् । त्यसमध्ये ७१.३५ प्रतिशत मत खसेको हो । बिर्तामोड क्षेत्रका सबै मतदानस्थलबाट मतपेटिका नगरपालिकामा जम्मा गरिएको छ । केहिवेरमा सर्वदलीय बैठक बसेर मतगणनाको तयारी गर्ने एक मतदान अधिकृतले जानकारी दिए ।