झापामा १७ वडाको नतिजा सार्वजनिक
बिर्तामोड । झापाको १७ वटा वडाको नतिजा सार्वजनिक भएको छ । समाचार तयार गर्दासम्म सबैभन्दा धेरै वडामा नेपाली कांग्रेसले जीत हासिल गरेको छ ।
वडाको मत परिणाम अनुसार नेकपा एमालेले ७, कांग्रेसले ८, राप्रपा र समाजवादीले १÷१ वडा जितेका छन् । एमालेले भद्रपुर १, गौरादह १, दमक १,शिवसताक्षी १, कनकाई ६, कनकाई ९, कचनकवल २ मा एमालेले वडाध्यक्षसहित प्यानल नै जितेको छ । केहि वडामा अन्य दलका सदस्यहरुले जितेका छन् ।
यस्तै, नेपाली कांग्रेसले भद्रपुर २, बाह्रदशी १,२, अर्जुनधारा १, कनकाई ८, कमल १, दमक १०, कचनकवल १, र झापा गाउँपालिका १ मा कांग्रेसका उम्मेद्वार विजयी भएका छन् । राप्रपाले हल्दिवारी १ र समाजवादीले कमल गाउँपालिकाको वडा नं. २ मा प्यानलै जितेको छ ।
अन्य पालिकाहरुले नतिजा सार्वजनिक गरेका छैनन् ।