लागुऔषधसहित दर्जी पक्राउ
बिर्तामोड । इलाका प्रहरी कार्यालय काँकरभिट्टाले लागुऔषधसहित एक जनालाई पक्राउ गरेको छ । प्रहरीले आज मोरङ पथरी शनिश्चरे २ का २२ वर्षीय मिलन दर्जीलाई पक्राउ गरेको जिल्ला प्रहरी कार्यालय झापाले जनाएको छ ।
इप्रका काँकरभिट्टा र लागुऔषध व्यूरोले शंका लागेर चेकजाँच गर्दा दर्जीको साथबाट ९ ग्राम लागुऔषध फेला पारेको प्रहरी प्रवक्ता बसन्त पाठकले जानकारी दिए । उनका अनुसार सो प्रतिबन्धित वस्तुसहित मेचीनगर – ६ स्थित मेचीपुलमा भारतबाट नेपाल तर्फ पैदल आउँदै गरेको अवस्थामा पक्राउ गरिएको हो ।
पक्राउ परेका दर्जीलाई ईलाका प्रहरी कार्यालय काँकरभिट्टामा राखेर थप अनुसन्धान शुरु गरिएको प्रहरीको भनाई छ ।