बिर्तामोड । थोक उपभोक्ता विशिष्टिकृत सहकारी संघको प्रारम्भिक साधारणसभाले महेन्द्रकुमार गिरीको अध्यक्षतामा ९ सदस्यीय सञ्चालक समिति र तीन सदस्यीय लेखा सुपरीवेक्षण समिति सर्वसम्मत चयन गरेको छ ।

राष्ट्रिय सहकारी महासंघका सञ्चालक सदस्य तथा प्रदेश १ का इन्चार्ज गणेश ढकालको संयोजकत्वमा गठित निर्वाचन समितिले सर्वसम्मत नयाँ नेतृत्व चयन गरेको हो ।

झापाको दमकमा आयोजित प्रारम्भिक साधारणसभाले चार वर्षे कार्यकालका लागि गिरीको अध्यक्षतामा बनेको समितिको उपाध्यक्षमा टिकादत्त वन र सचिवमा प्रेम साकोटा सर्वसम्मत भएका छन् ।
यसैगरी सञ्चालक सदस्यहरुमा केवलीराम आचार्य, चित्रमान प्रधान, वीरेन्द्र यादव, सन्तोषकुमार मण्डल, रुकमणि कार्की र नविन खरेल सर्वसम्मत भएका छन भने संघको लेखा सुपरीवेक्षण समिति संयोजकमा अमृत गुरुङ र सदस्यहरुमा गोपाल पौडेल तथा हरिकृष्ण अधिकारी पनि सर्वसम्मत भएका छन् ।

प्रदेश १ का ३६ वटा प्रारम्भिक सहकारी संस्थाहरुले एक करोड ३६ लाख रुपैयाँ पुँजी संकलन गरी स्थापना गरेको सो थोक उपभोक्ता विशिष्टिकृत सहकारी संघले विभिन्न वस्तुहरुको बजार प्रवद्र्धन पनि सुरु गरेको छ ।