आश्विन २०, २०७९ बिहीबार

राष्ट्रपतिबाट नागरिकता विधेयक प्रमाणिकरण गर्न अस्विकार

काठमाडौ – राष्ट्रपति विद्यादेवी भण्डारीले संसोधनका लागि फिर्ता पठाएको नागरिकता विधेयक दोस्रो पटक पनि प्रमाणीकरण गर्न अस्वीकार गर्नुभएको छ । गए राती १२ बजेबाट प्रमाणीकरणको म्याद सकिएपछि यो विधेयक निष्क्रिय बनेको छ ।

दुवै सदनबाट पारित भएर १५ दिन अगाडि नागरिकता विधेयक प्रमाणिकरणका लागि राष्ट्रपति कहा पठाइएको थियो । तर सो विधेयक प्रमाणीकरण नगरी राष्ट्रपति कार्यालय मौन बसेको हो ।

राष्ट्रपतिका एकजना सल्लाहकारले यस विषयमा राष्ट्रपति कार्यलयले कुनै सुचना,जानकारी वा विज्ञप्ती जारी नगर्ने बताएका छन् । अर्का सल्लाहकार लालबाबु यादवलेचाँही संविधानको संरक्षणका निम्ती नै राष्ट्रपतिबाट यो विधयेकलाई प्रमाणित नगरेको सञ्चार माध्यमलाई बताउनुभएको छ ।

राष्ट्रपति भण्डारीले संसदको बहुमतले पास गरेर पठाएको यो विधेयकलाई १५ दिनसम्म अध्ययन गरेर केही संसोधन गर्न भन्दै संसदमा नै फिर्ता पठाउनुभएको थियो । गठबन्धन दलको बैठकले यसमा कमा र फलस्टप पनि परिवर्तन नगर्ने भन्दै एमालेको विरोधका बाबजुत पनि संसदबाट बहुमतले पास गरेर फेरी राष्ट्रपतिलाई पठाएको थियो ।

प्रकाशित मिति : आश्विन ५, २०७९ बुधबार  ८ : ५६ बजे

प्रतिक्रिया दिनुहोस्

इजलास दैनिक

कार्यालय सम्पर्क - बिर्तामोड,झापा
सम्पादक – प्रदीप परियार
कम्पनी दर्ता नम्बर : १६९६५४/७३/०७४
विज्ञापनको लागि : ०२३–५३५०२८
सम्पर्क : ९८५२६३५०२८/९८५२६४५०२८
टाइम्स मिडिया नेटवर्क प्रा.लि. द्वारा प्रकाशित ‘इजलास दैनिक’को आधिकारिक वेबसाइट तपाईंको साझा इजलास