बिर्तामोड । झापाको मेचीनगरमा नेकपा माओवादी केन्द्रका नेता कार्यकर्ताले सामुहिक राजीनामा दिएका छन् । एक विज्ञप्ति जारी गर्दै माओवादी पार्टी परित्यागको घोषणा गरेका हुन् ।

नेकपा माओवादी केन्द्रका नगर सह–इञ्चार्ज शान्तिराम चिमरिया, जिल्ला सचिवालय सदस्य विष्णु चौधरी, मेचीनगर अध्यक्ष राजन चिमरिया, उपाध्यक्ष बद्रीनाथ फुँयाल, कोषाध्यक्ष दिनेश ओलीसहित नेता कार्यकर्ताहरुले सामुहिक राजीनामा दिएका हुन् ।

विभिन्न जिम्मेवारीमा रहेका चार दर्जन बढि नेता कार्यकर्ताले राजीनामा दिएपछि माओवादी झापामा ठुलो क्षति पुगेको छ ।