झापा – नेकपा एमालेका अध्यक्ष केपी शर्मा ओली निर्वाचित भएको प्रमाण पत्र लिन र विजय उत्सवमा सहभागी हुन आज झापा आइपुग्नुभएको छ ।

दिउसो १ बजे दमक नगरपालिकास्थित झापा क्षेत्र–५ को निर्वाचन अधिकृतको कार्यालयमा उहाँले विजयी भएको प्रमाण पत्र ग्रहण गर्ने कार्यक्रम रहेको पोलिटव्यूरो सदस्य देवेन्द्र दाहालले जानकारी दिनुभयो ।

दाहालका अनुसार अध्यक्ष ओली आज दमक नगरपालिकामा आयोजना हुने विजय जुलुसमा सहभागी हुनुहुनेछ । भोलि कमल, गौरादह र गौरीगञ्जमा आयोजना हुने कार्यक्रममा उहाँको सहभागिता रहनेछ ।