अवैध रुपमा उत्खनन् गर्ने दुई चालकसहित ट्रयाक्टर नियन्त्रणमा
मेचीनगर । मेचीनगर– ३ स्थित निन्दा खोलामा अवैध रुपमा गिटी बालुवा उत्खनन् गरिरहेको अवस्थामा प्रहरीले दुई जना चालकसहित ट्रयाक्टर नियन्त्रणमा लिइएको छ ।
शुक्रबार बाहुण्डाँगीबाट खटिएको प्रहरी टोलीले निन्दा खोलामा बालुवा उत्खनन् गरिरहेका प्रदेश १–०१–००१ त ८९४२ र प्रदेश १–०१–००१ त ८३१७ नम्बरको ट्रयाक्टर र चालकलाई नियन्त्रणमा लिएको हो ।
पक्राउ पर्नेहरुमा २० वर्षका सागर तामाङ र अन्दाजी २२ वर्षका सुजन धिमाल रहेको जिल्ला प्रहरी कार्यालय झापाले जनाएको छ । दुवै चालकसहित ट्रयाक्टर आवश्यक कारवाहीका लागि मेचीनगरपालिकालाई बुझाइएको प्रहरीको भनाई छ ।