काँकरभिट्टा क्याम्पसमा अनेरास्ववियुले बुझायो विज्ञप्ति
काँकरभिट्टा । क्याम्पसले एकलौटी ढंगले मतदाता नामावली प्रकाशन गरेको भन्दै अनेरास्ववियुले काँकरभिट्टा क्याम्पसमा विज्ञप्ति बुझाएको छ ।
फागुन १९ गते क्याम्पस प्रशासनले त्रिविको स्ववियुृ निर्वाचन आचारसंहिता उल्लङ्घन गर्दै विद्यार्थी भर्ना गरेसँगै अनेरास्ववियु आन्दोलित भएको थियो । अनेरास्ववियु आन्दोलित भएसँगै क्याम्पसले निर्वाचन कार्यक्रमहरु स्थगन गरेको सूचना प्रकाशित गरेको थियो ।
क्याम्पसले पुनः निर्वाचन प्रक्रियालाई अगाडि बढाउन क्याम्पसका दुई दिन अगाडि सर्वपक्षिय छलफल गरेको थियो । उक्त छलफमा अनेरास्ववियुको मागहरु सम्बोधन नभएका कारण अनेरास्ववियुले छलफलमाले गरेको निर्णयमा आप्ति जनाएको थियो ।
क्याम्पसले आज अनेरास्ववियुसँगको छलफल बिनै मतदाता नामावली प्रकाशन गरेकाले अनेरास्ववियु पुनः आन्दोलित बनेको अनेरनस्ववियु काँकरभिट्टाका अध्यक्ष सन्देस पौडेलले जानकारी दिएका छन् ।
अनेरास्ववियुले आचारसंहिता लागु भए पछि भर्ना भएका विद्यार्थीहरुले आउँदै गरेको स्ववियुको चुन्ने चुनिने कार्यक्रममा सहभागि हुन नपाउने माग राखेको छ ।