मंसिर १६, २०८० शनिबार

इण्डो–नेपाल भेट्रान फुटबल : सिलगुढी सेमिफाइनलमा प्रवेश

काँकरभिट्टा । भारतको मिलन मोर त्रिभेनी साङ्गा सिलगुढी मेचीनगरमा जारी तेस्रो इण्डो–नेपाल भेट्रान फुटबल प्रतियोगिताको सेमिफाइनलमा प्रवेश गरेको छ ।

काँकरभिट्टा माविको खेल मैदानमा मंगलबार सम्पन्न प्रतियोगिताको दोस्रोे क्वाटरफाइनल खेलमा धरान भेट्रान फुटबल क्लब सुनसरलाई टाइब्रेकरमा ४–२ गोल अन्तरले पराजित गर्दै मिलन मोर सिलगुढी अन्तिम चारमा प्रवेश गरेको हो ।

अत्यन्तै प्रतिष्पर्धात्मक बनेको खेलमा निर्धारित समयमा दुवै टिमका खेलाडिले गोल गर्न सकेनन् । पाएका थुप्रै अवसरहरु सदुपयोग गर्न नसक्दा निर्धारित समय गोल रहित बराबरीमा टुङ्गिएपछि खेलको नतिजा टाइब्रेकरबाट लिइएको थियो । जसमा धरानलाई पाखा लगाउँदै मिलन मोर सिलगुढी अघिल्लो चरण प्रवेश गर्यो ।

जितको लागि टाइब्रेकरमा मिलन मोर सिलगुढीको तर्फबाट किरण बर्रा, रञ्जन कयेर, विक्रम थापा र बासु दाशले गोल गरे । यता धरान भेट्रानको तर्फबाट बिष्णु सुनार र सुजित राईले गोल गरे भने, सुभास लिम्बु र चन्द्रिका प्रसाद चौधरीले गोल गर्न सकेनन् ।

खेलको म्यान अफ दि म्याच विजेता टिमका गोल किप्पर उत्तम दाश घोषित भए । उनलाई झापा जिल्ला फुटबल संघका पूर्व अध्यक्ष बालजित राई र गोर्खा फाउण्डेशनका महासचिव जगत गुरुङ्गले संयुक्त रुपमा नगद तीन हजारसहित ट्रफि प्रदान गरे ।

काँकरभिट्टा फुटबल ट्रेनिङ्ग सेन्टरको सह–आयोजना र मेचीनगर नगरपालिका संरक्षक रहेको प्रतियोगिताको विजेताले नगद २ लाख र उपविजेताले १ लाख प्राप्त गर्नेछ ।

बुधबार हुने तेस्रो क्वाटरफाइनल खेल सौभाग्य फुटबल क्लब बुटवल र इष्ट कोलकात्ता भेट्रान क्लब भारतबिच दिनको ३ बजेदेखि हुने आयोजक काँकरभिट्टा भेट्रान फुटबल क्लबका महासचिव सुन्दर बस्नेतले जानकारी दिए ।

प्रकाशित मिति : फाल्गुन ३०, २०७९ मंगलबार  ७ : ५६ बजे

प्रतिक्रिया दिनुहोस्

इजलास मिडिया प्रा.लि द्वारा संचालित

कार्यालय सम्पर्क - बिर्तामोड ४,झापा
सूचना बिभाग दर्ता नं. : ३९९२- २०७९/०८०
सम्पर्क : ९८५२६४५०२८
ईमेल : [email protected]