मेचीनगरमा नगर शैक्षिक कोष घोषणा
मेचीनगर । मेचीनगर नगरपालिकाका प्रमुख गोपालचन्द्र बुढाथोकीले नगर शैक्षिक कोषको घोषणा गरेका छन् ।
बिहीवार नगरको बार्षिक नीति तथा कार्यक्रमको समापन शत्रमा बोल्दै नगर प्रमुख बुढाथोकीले बिशेष प्रस्ताव मार्फत नगर शैक्षिक कोषको घोषणा गरेका हुन् ।
नगर शैक्षिक कोषको घोषणा गर्दै उनले आफुले नगर प्रमुख भए बापत राज्यबाट पाउने सेवा सुविधामध्ये तीन महिनाको रकम करिब एक लाख बढी बार्षिक रूपमा कोषलाई दिने घोषणा गरेका छन् ।
शैक्षिक कोषलाई नागरिक स्तरबाट सञ्चालन गर्ने गरी नगर शैक्षिक कोषको अवधारणा ल्याइएको बताए । साथै यस अभियानमा सबै नागरिकले सहभागिता जनाउन सक्ने उनले बताए ।