बिर्तामोड नगरपालिकाको सहयोगप्रति झापा गोल्डकप आयोजक उत्साहित छौं : बस्नेत
बिर्तामोड । झापा गोल्डकपका अध्यक्ष विनोद बस्नेतले बिर्तामोडलाई व्यापारिक हब जस्तै फुटबलको हवको रुपमा विकास गर्ने बताएका छन् । फागुन १९ देखि हुने गोल्डकपको टिम र ट्रफी सार्वजनिक गर्न आयोजित पत्रकार सम्मेलनमा उनले बिर्तामोडलाई फुटबल हब बनाउने बताए हुन् ।
यो गोल्डकपमा पहिलो पुरस्कार अर्ना वियर र दोस्रो अन्तराष्ट्रिय झापाली समाजले व्यवस्था गरिदिने अध्यक्ष बस्नेतले जानकारी दिए । उनले पत्रकार सम्मेलनमा बिर्तामोड नगरपालिकाबाट ठुलो सहयोग प्राप्त भएको बताए । स्थानीय सरकारबाट धेरै माया पायौं, बस्नेतले भने – विगतमा वेवास्था भएको थियो । यो पटक गोल्डकपमा नगरपालिकाको अभिभावकीय भूमिका पाएका छौं । गोल्डकपको गार्जन नै बिर्तामोड नगरपालिका हो । मेयर पवित्रा महतारा प्रसाईले १० लाख छुट्टाइदिएको भन्नु भएको छ । हामीले १५ लाख भनेका छौं । उहाँले विचार गर्ने भन्नु भएको छ ।
बिर्तामोड नगरपालिकाको सहयोगका कारण आयोजक परिवार उत्साहित भएको उनको भनाई छ । नगरपालिकाको सहयोगले गोल्डकप सम्पन्न गर्न उर्जा प्राप्त भएको बस्नेतले बताए ।