बिर्तामोड । बिर्तामोडमा जारी छैटौं झापा गोल्डकपको शुक्रबार हुने खेल हेर्न महिलाहरुलाई निःशुल्क व्यवस्था गरिएको छ । ११४औँ अन्तर्राष्ट्रिय श्रमिक महिला दिवसका अवसरमा महिलाहरुलाई खेल हेर्न निशुल्क व्यवस्थापन मिलाइएको गोल्डकपका अध्यक्ष विनोद बस्नेतले जानकारी दिए ।

भोली हुने त्रिभुवन आर्मी क्लब र एपिएफ एफसीको सेमीफाइनल खेल हेर्ने प्रवेश शुल्क नलाग्ने बस्नेतले जानकारी दिए । महिला दिवसको अवसरमा आम महिला दिदीबहिनीहरुको सम्मानका लागि उक्त निर्णय गरिएको बताइएको छ ।

गोल्डकपका कोषाध्यक्ष केदार गिरीले अन्तर्राष्ट्रिय श्रमिक महिला दिवसका अवसरमा खेल हेर्नका लागि डोमालाल रंगशालामा निमन्त्रणा समेत गरेका छन् ।