बैशाख १५, २०८१ शनिबार

रियल मड्रिड स्पेनिस सुपर कपकाे फाइनलमा

का – रियल मड्रिड स्पेनिस सुपर कपको फाइनलमा प्रवेश गरेको छ । साउदी अरेबियामा भएको सेमिफाइनलमा भ्यालेन्सियालाई तीन–एक गाेल अन्तरले हराउँदै रियल मड्रिड फाइनलमा प्रवेश गरेको हो । रियलको जितमा टोनी क्रुज, इस्को र लुका मोड्रिचले एक–एक गोल गरे ।

१५औँ मिनेटमा क्रुजले गोल गर्दै रियल मड्रिडलाई अग्रता दिलाए । क्रुजले प्रहार गरेको कर्नर किक भ्यालेन्सियाका गोलकिपर जाउमे दोमेनेचले पन्च गरेका थिए । त्यही बल पाएका क्रुजले डिफेन्डरलाई बिट गर्दै गोल गरेका थिए ।

त्यस्तै ३९औँ मिनेटमा इस्कोले गोल गर्दै पहिलो हाफअघि रियल मड्रिडको अग्रता दुई–शून्यमा पुर्‍याए । ६५औँ मिनेटमा मोड्रिचले गोल गर्दै रियललाई तीन–शून्यकाे अग्रता दिलाए ।

इन्ज्युरी समयको दोस्रो मिनेटमा भ्यालेन्सियाले पेनाल्टी पायो र त्याे पेनाल्टीलाई डानी पारेजोले गोलमा परिणत गरे । उपाधिका लागि रियलले बार्सिलोना र एट्लेटिको मड्रिडबीचको विजेतासँग प्रतिस्पर्धा गर्नेछ । यो खेल बिहीबार राति हुँदैछ । 

प्रकाशित मिति : पुष २४, २०७६ बिहीबार  ८ : ४७ बजे

प्रतिक्रिया दिनुहोस्
लोकप्रिय
ताजा

इजलास मिडिया प्रा.लि द्वारा संचालित

कार्यालय सम्पर्क - बिर्तामोड ४,झापा
सूचना बिभाग दर्ता नं. : ३९९२- २०७९/०८०
सम्पर्क : ९८५२६४५०२८
ईमेल : [email protected]