काठमाडौँ, २४ भदौ – नेपाल डेरी एशोसिएशन सुदूरपश्चिम प्रदेशले मेची महाकालीको पाँच दिने अध्ययन अवलोकन भ्रमण गरेको छ । एशोसिएशनले आफ्ना उद्योगीहरुको स्तरोन्नतिका लागि विभिन्न तालिम, गोष्ठी एवं अध्ययन अवलोकन कार्य सञ्चालन गर्दै आएको छ ।

हालै मेची महाकालीको पाँँच दिने अध्ययन अवलोकन भ्रमण गरेको अध्यक्ष प्रल्हाद दाहालले जानकारी दिनुभयो । नेपाल डेरी एशोसिएशन विसं २०५५ मा विधिवत रुपमा दर्ता भई दुग्ध उद्योगीको हक हितमा काम गर्दै आइरहेको संस्था हो । २६औँ वर्षमा प्रवेश गरिरहँदा एशोसिएशनले सात प्रदेश र २३ जिल्लामा सङ्गठन विस्तार गरेको छ । देशभरका तीन सय २० दूग्ध उद्योगीहरु यस छाता सङ्गठनको सदस्य बनेका छन् ।

भ्रमणका क्रममा डेरी उद्योग, फार्म, विभिन्न धार्मिक एवं पर्यटकीयस्थलको अवलोकन गरिनुका साथै उद्योगका विषयमा पनि जानकारी लिने दिने कार्य भएको जनाइएको छ । भ्रमण उपलब्धिमूलक भएको एशोसिएशनका केन्द्रीय उपाध्यक्ष कर्णबहादुर हमालले जानकारी दिनुभयो । भ्रमणमा सुदूरपश्चिम प्रदेशका पदाधिकारी एवं सदस्यको सहभागिता रहेको थियो । भ्रमण सुदूरपश्चिम प्रदेशको धनगढीस्थित श्रीराम डेरी उद्योगको परिसरबाट सुरु गरी लुम्बिनी प्रदेशको तुल्सिपुरस्थित मोर्डन गाई फामर्को अवलोकन गश्चात सम्पन्न गरिएको थियो ।