फिदिम – फिदिम नगरपालिका वडा नम्बर २ साम्दिन घुम्तीमा मंगलबार अपराह्न भएको आगलागीमा परी घाइते एकजनाको मृत्यु भएको छ ।

घाइते घरधनी ६२ वर्षीय जयप्रकाश राईको उपचारका क्रममा काठमाडौंमा मृत्यु भएको पाँचथर प्रहरीले जानकारी दियो । श्रीमती दिलकुमारीसहित उनको उपचार काठमाडौंस्थित बर्न अस्पतालमा भइरहेको थियो ।

मंगलबार नै झापा रेफर गरिएका राईलाई नेपाली सेनाको एयर लिफ्टिङ मार्फत काठमाडौं लगिए पनि बचाउन नसकिएको हो । आगलागीमा राईको घर र पसलमा पूर्णरुपमा क्षति भएको छ । नजिकका दुई घरमा पनि क्षति पुगेको छ ।