बिर्तामोडमा १२५ सिसि पल्सरको विक्री शुरु
बिर्तामोड । बजाज कम्पनीले १२५ सिसिमा नयाँ पल्सर मोटरसाइकल बजारमा ल्याएको छ । बिर्तामोडस्थित मेची पावर मोवाइल्स ट्रेडले नयाँ पल्सरको विक्री शुरु गरेको म्यानेजर गोविन सुवेदीले जानकारी दिए ।
कम्पनीले १२५ नियोन ड्रम र डिस्क दुबै भेरियन्टमा बजारमा ल्याएको हो ।
यसको लुक्स पल्सर १५० नियोन जस्तै छ । १२५ सिसि डिटिएसआई इन्जिनको पल्सर १२५ नियोनले ८ हजार ५ सय आरपिएममा ११.८ बिपिएच पावर र ६ हजार ५ सय आरपिएममा ११ एनएम टर्क जेनेरेट गर्छ ।
५ स्पिड गेयर बक्स रहेको यो बाइक जुनसुकै गेयरमा स्टार्ट गर्न सकिन्छ । म्यानेजर सुवेदीका अनुसार सो मोटरसाइकलको मुल्य २ लाख २४ हजार ९ सय रहेको छ । उनले नयाँ वर्ष २०७७ को अवसरमा बजाजका हरेक मोटरसाइकल खरिदमा नगद १० हजार छुट दिने जानकारी दिए ।